Babel Babel Babel - Sisimiut

"Babel Babel Babel" asanninnermut, inuunermit naliginginnaasunut, sorsunnermut, inuiaqatigiinnut pingaartitsivallaarnermut kiffaanngissuseqarusunnermullu nipilersornikkut misigisassiaavoq.

Kabaret una nipilersugassiat atorlugit oqaatsillu puullaaqinartut akulerullugit nunarsuarmi inuit akornanni paasiniaalluni inngilimut Babylon-imik atilimmik oqaluttuaavoq.

Kabaretiuvoq quianaannartoq, tissinartoq, quiassuisoq pilerissuseqarnartorlu. Inngili nakkarneq, imminnut, qilammut, tusarnaarianut oqaluttoq malinnaavigaarput, arriitsiunnguamillu oqitsunnguamik ilumoorsaartumillu asanninnerup inuunerullu tikikkuminaatsortaanut kajungerititsivoq.

Kabareti nipilersukkanik erinarsuutinillu 30-kkunni 40-kkunnilu ilaatigut P.H.,
Edith Piaf, Brecht, Balz, Weil aamma Hollände allanillu atorneqartunik tunngaveqarpoq.

"Babel Babel Babel" tassaavoq isiginnaagassiamik Nattens Babylonimik pilersitseqqinneq, Martin Damgaardimit ingiorneqartoq. Søs Banke aamma nipilersartortartut Torben Lassen aamma Nikolai Seidelin ”Babylon Trio”-mik taagorlutik 2004-miit 2014-imut Nattens Babylon angalappaat.
Taamani kabaretimik takusassiaq kaberetimit Liebe ist Kein Geheim-imeersuuvoq 2002-milu Søs Bankep Tysklandillu kujataani Zimmer Theater Tübingen-imiittumit suleqatigiinnikkut pilersinneqarluni, tassanilu takuteqqaarneqarami allanik nipilersortoqarlutik.